लामो इतिहास बोकेको राससलाई समाचार बैंकका रूपमा स्थापित गरिनुपर्छ : मन्त्री गुरुङ

उज्यालो प्रतिनिधि ७ फाल्गुन २०७६, बुधबार समाचार

काठमाडौं । महिला, बालबालिका तथा ज्येष्ठ नागरिकमन्त्री पार्वत गुरुङले लामो इतिहास बोकेको राष्ट्रिय समाचार समिति (रासस) लाई समाचार बैंकका रूपमा स्थापित गरिनुपर्ने बताएका छन् । राससको ५९ औँ वार्षिकोत्सवको अवसरमा आयोजित समारोहमा उनले राज्यको समाचार संस्थाका रूपमा रहेको स्थापित राससले आफूलाई प्रभावकारी र गुणस्तरीय बनाएर समाचार बैंकका रूपमा स्थापित गर्न सक्नुपर्नेमा जोड दिए ।
‘सरकारी सञ्चारमाध्यम मौलाउने र सरकारी संस्था कमजोर बन्दै जानु आजको चुनौती हो, राससलगायत सरकारी सञ्चारमाध्यमलाई कसरी बलियो बनाउने हो, त्यसतर्फ ध्यान दिन जरुरी छ’, उनले भने ।

राससले परिवर्तनअनुरुप आफूलाई परिष्कृत र समयानुकूल बनाउँदै लैजानुपर्ने बताउँदै समृद्ध नेपाल, सुखी नेपालको राष्ट्रिय दृष्टिकोणलाई सार्थक तुल्याउन राज्यको समाचार समितिको हिसाबले आफूलाई परिवर्तित र रूपान्तरित गराउनसक्नु पर्नेमा जोड दिए । उनले स्रोत साधन र उपकरणले मात्र संस्थाको प्रगति नहुने भन्दै कर्मचारीको वृत्तिविकासका लागि पनि ध्यान दिन जरुरी भएको उल्लेख गरे । सो अवसरमा सञ्चार तथा सूचना प्रविधि मन्त्रालयका सचिव दीपक सुवेदीले राससलाई बदलिँदो परिस्थितिअनुरुप प्रतिस्पर्धी बनाउन र गुणस्तरीय सेवा दिन सोहीअनुरुपको रणनीतिक सुधार जरुरी भएको उल्लेख गरे ।

प्रविधि र स्रोत साधनले मात्र हैन, कर्मचारीको मनोबल उच्च बनाउन सकेमात्रै संस्थागत उन्नति हुने उल्लेख गर्दै सचिव सुवेदीले राससको समय सान्दर्भिक भूमिका र दायरालाई अझ प्रभावकारी बनाइनुपर्ने खाँचोसमेत औँल्याए । राससका कार्यकारी अध्यक्ष हरिहर अधिकारी ‘श्यामल’ ले राज्यको समाचार संस्था राससलाई बदलिँदो परिस्थिति र परिवेशअनुरुप प्रतिस्पर्धी र व्यावसायिक बनाउन व्यवस्थापन र कर्मचारी दुवैको मनोबल बलियो बनाइनुपर्नेमा जोड दिए । उनले राससको समस्या केवल व्यवस्थापन र कर्मचारीसँग मात्र जोडिएको नभई समग्र राज्य संयन्त्रको पनि समस्या हो भन्दै व्यवस्थापनलाई मात्रै दोष दिएर निष्कर्षमा पुग्न नसकिने धारणा राखे ।

Facebook Comments Box

सम्पादकीय

सबै

सम्पादकीय : संविधान संशोधनको बाटोमा अगाडि बढौँ

आज संविधान दिवसको सातौँ संस्करण । आजभन्दा ६ वर्षअगाडि वि.स. २०७२ साल असोज ३ गते मुलुकमा संविधान जारी भएको थियो

उज्यालो प्रतिनिधि ३ आश्विन २०७८, आईतवार

विशेष सम्पादकीय : राष्ट्रपतिलाई महाअभियोग लगाउन बिलम्ब नगरौँ

बुद्ध लोप्चन २८ असार २०७८, सोमबार

ख्यालख्याल होइन, कोरोना

उज्यालो प्रतिनिधि २५ बैशाख २०७८, शनिबार

विशेष सम्पादकीय : खड्गप्रसाद तुरुन्त बोल, उज्यालो नेटवर्ककर्मीलाई बिना शर्त रिहाई

उज्यालो प्रतिनिधि १२ बैशाख २०७८, आईतवार