उज्यालो प्रतिनिधि
झारखण्ड । भारतको झारखण्ड राज्यको पाकुड जिल्लामा बुधबार बिहान एउटा बसमा अचानक आगलागी भएको छ । राँचीबाट पाकुडतर्फ जाँदै गरेको उक्त बस गुडिरहेकै समयमा आगलागीको चपेटामा आएको हो ।
स्थानीय समयानुसार करिब पौने पाँच बजे बडकियारी गाउँमा पुगेपछि बसमा आगो सल्किएको हो ।
भारतीय सञ्चारमाध्यमका अनुसार बसमा सवार यात्रीले धुँवाको गन्ध महसुस गरेपछि चालकलाई बस रोक्न भनेका थिए । बस रोक्दासम्ममा पछिल्लो भागमा आगो सल्किएको थियो ।
बस रोकेर सबै यात्री बाहिर निस्किएका कारण मानवीय क्षति नभएको बताइएको छ । यद्यपि वारुण यन्त्र आएर आगो नियन्त्रणमा लिनुअघि बस र बसभित्र रहेका सामान जलेर नष्ट भइसकेको थियो ।
बसमा विद्युत सर्ट भएका कारण आगलागी भएको हुन सक्ने प्रारम्भिक अनुमान गरिएको छ । बसको आगोले सडक छेउमा रहेको एउटा घर र पसलमा समेत क्षति पुगेको बताइएको छ ।
Facebook Comments Box
उज्यालो प्रतिनिधि
बुद्ध लोप्चन