धादिङ । । धादिङको खनियावास गाउँपालिकाका मृगौला पीडित तारा थापा तामाङलाई म्हेन्दोमाया कलाकार संघ धादिङका अध्यक्ष सन्दीप स्याम्चेन तामाङले २७ हजार एक सय ३५ रुपैयाँ हस्तान्तरण गर्नुभएको छ ।

निलकण्ठ नगरपालिकाको ससाह ज्यामिरेमा बस्दै आएका ३३ बर्षीय तारा थापा तामाङ खनियावास गाउँपालिका वडा नं.-१ झार्लाङका स्थायी बासिन्दा हुन् । आर्थिक अवस्थाले चेपिएका तामाङ विगत ६ महिनादेखी उपचारत हुनुहुन्छ । श्रीमानको उपचारका लागि उनकी श्रीमती वैदेशिक रोजगारमा हुनुहुन्छ ।श्रीमतीले कमाएको पैसाले उपचार खर्च नपुगेको उहाँ बताउनुहुन्छ । हालसम्म १० लाख भन्दा बढी खर्च भैसकेको र अझै ठिक हुन नसकेको उनको परिवारले बताएको छ । दुवै मृगौलाले काम गर्न छाडेपछि तामाङले सहयोगका लागि आग्रह गरेका छन् । नियमित डाइलोसिस र मृगौला प्रत्यारोपण गर्नुपर्ने अस्पतालले भनेपनि परिवारको आर्थीक अवस्था अत्यन्त कमजोर भएकाले उपचार गर्न सकेका छैनन् ।