थाइल्याण्डले आयोजना गरेको एसीसी ईस्टर्न रिजन पुरुष टी-ट्वान्टी कप क्रिकेटको प्रतियोगितामा नेपालले पहिलो खेल मलेसियासँग खेल्ने भएको छ ।

एसियन क्रिकेट काउन्सिल (एसीसी) ले सार्वजनिक गरेको खेल तालिका अनुसार नेपालको पहिलो खेल मलेसियासँग रहेको छ । यस प्रतियोगितामा पाँच देशले सहभागीता जनाउनेछन् ।नेपालसहित थाइल्याण्ड, मलेसिया, सिंगापुर र हङकङले प्रतिस्पर्धा गर्ने छन् ।
नेपालले फेब्रुवरी २९ मा मलेसियासँग खेल्दै प्रतियोगिताको सुरुवात गर्नेछ । यस्तै मार्च १ मा हङकङसँग,मार्च ४ मा थाइल्याण्डसँग खेल्नेछ । नेपालले प्रतियोगिताको आफ्नो अन्तिम खेलमा मार्च ६ मा सिंगापुरविरुद्ध खेल्नेछ ।

प्रतियोगिताको लागि नेपाल क्रिकेट संघ (क्यान) ले शुक्रबार १४ सदस्सीय नेपाली टोलीको घोषणा गरिसकेको छ । ज्ञानेन्द्र मल्लको कप्तानीमा घोषणा गरिएको टिममा पारस खड्का, उपकप्तान दिपेन्द्र सिंह ऐरी, आरिफ शेख, बिनोद भण्डारी, सन्दीप लामिछाने, करण केसी, अभिनास बोहरा, कुशल मल्ल, पवन सरार्फ, सुशन भारी, किशोर महतो, भुवन कार्की र सन्दीप जोरा छन् ।