नेपालसँग ८४ रनले हार्यो माल्दिभ्स

उज्यालो प्रतिनिधि उज्यालो प्रतिनिधि २० मंसिर २०७६, शुक्रबार खेल

काठमाडौं । १३ औं दक्षिण एसियाली खेलकुद (साग) पुरुष टि ट्वान्टी क्रिकेट प्रतियोगितामा नेपालले माल्दिभ्सलाई ८४ रनले पराजित गरेको छ ।

जितका लागि १ सय ६४ रनको विजयी लक्ष्य पछ्याएको माल्दिभ्स २० ओभरमा ६ विकेट गुमाउँदै ७९ रन मात्र बनाउन सक्यो । माल्दिभ्सका मोहम्मद आजम १७ बलमा २ चौका सहित १७ रनमा अविजित जित रहे । इब्राहिम हसन १२ रनमा नट आउट रहे ।

छैटौं ओभरको पाँचौ बलमा क्याच आउट हुनुअघि ओपनर मोहम्मद रिजवानले २१ बलमा ३ चौका सहित १३ रनको योगदान दिए । उनलाई स्पिनर सुसन भारीले विकेटकीपर विनोद भण्डारीबाट क्याच आउट गराएका थिए । उमर एडमलाई नवौं ओभरको चौथो बलमा ललित नारायण राजवंशीले आरिफ शेखबाट ९ रनमा क्याच आउट गराए । ललितले नै ११ औं ओभरको अन्तिम बलमा ज्ञानेन्द्र मल्लबाट ६ रनमा क्याच आउट गराए । १४ औं ओभरको चौथो बलमा ओपनर अली इभानलाई पवन सरार्फले ११ रनमा स्टम्पिङ आउट गरे ।

स्पिनर ललित नारायण राजवंशीले ४ ओभरमा १८ रन खर्चेर २ विकेट लिए । त्यस्तै सुसन भारीले ४ ओभरमा २२ रन खर्चेर २ र पवन सरार्फले १ विकेट लिए ।

त्यअघि टियु क्रिकेट मैदानमा टस जितेर ब्याटिङ थालेको नेपालले निर्धारित २० ओभरमा ७ विकेट गुमाउँदै १ सय ६३ रन बनाएको थियो । अलराउन्डर करण केसीले अन्त्यमा १६ बलमा ४ छक्का र २ चौका सहित ४० रनमा अविजित रहेपछि नेपाललाई बलियो योगफलमा पुगेको थियो ।

करणले अन्तिम ओभरमा इब्राहिम हसनलाई २ चौका र २ छक्का प्रहार गर्दै २४ रन जोडेका थिए । ओपनर पारस खड्कालाई दोस्रो ओभरको अन्तिममा ११ रनमा क्याच आउन पुगेका थिए ।

छटौं ओभरको दोस्रो बलमा आमिल माउरुफले आरिफ शेखलाई १७ रनमा क्याच आउट गराए । उनले ११ बलमा १ चौका र १ छक्का प्रहार गरे । यसै ओभरको अन्तिम बलमा कप्तान ज्ञानेन्द्र मल्ल १९ रनमा एलबी डब्लू आउट भए । मल्लले १६ बलमा २ चौका र १ छक्का प्रहार गरे ।

दशौं ओभरको चौथो बलमा रोहित कुमार पौडेल १० रनमा क्याच आउट भए । रोहितलाई कप्तान मोहम्मद महफूजले विकेटकीपर मोहम्मद आजमबाट क्याच गराएका थिए । ११ औं ओभरको तेस्रो बलमा पवन सरार्फ शून्यमा आउट भए ।

विनोद भण्डारीले १८ बलमा २ चौका सहित १९ रन जोडे । १९ औं ओभरको पहिलो बलमा शफिगले अहमिद हसनबाट दीपेन्द्र सिंह ऐरीलाई ३९ रनमा क्याच आउट गराए । दीपेन्द्रले ३६ बलमा २ चौका प्रहार गरे । माल्दिभ्सका लिम शफिगले ४ ओभरमा ३३ रन खर्चेर ३ विकेट लिए । आमिल माउरुफले २, मोहम्मल महफूज र उमर एडमको नाममा १–१ विकेट रह्यो ।

सागमा नेपालको यो दोस्रो जित हो । नेपाल पहिलो खेलमा श्रीलंकासँग ६ विकेटले पराजित भएको थियो । दोस्रो खेलमा नेपालले भुटानलाई १ सय ४१ रनको कीर्तिमानी रन अन्तरले हराएको थियो । नेपालले शनिवार बंगलादेशसँग खेल्ने छ । फाइनल पुग्ने यात्रा कायमै राख्न नेपाललाई बंगलादेशसँगको खेल जित्नै पर्ने हुन्छ । पराजित भएको खण्डमा नेपालको स्वर्णको संभावना सकिने छ ।

Facebook Comments

सम्पादकीय

सबै

प्रधानमन्त्रीबाट तत्काल राजीनामा देऊ

प्रधानमन्त्री खड्ग प्रसाद ओलीले ५ पुस ०७७ मा संविधानमा नभएको अधिकार प्रयोग गर्दै गरेको संघीय संसदको प्रतिनिधिसभा विघटनलाई सर्वोच्च अदालतले

उज्यालो प्रतिनिधि उज्यालो प्रतिनिधि ११ फाल्गुन २०७७, मंगलवार

संवैधानिक ‘कू’ को सर्वत्र विरोध गरौँ

उज्यालो प्रतिनिधि उज्यालो प्रतिनिधि ५ पुष २०७७, आईतवार

गैरजिम्मेवार सरकार

उज्यालो प्रतिनिधि उज्यालो प्रतिनिधि १७ कार्तिक २०७७, सोमबार

प्रहरी आदेशपालक होइनन्

उज्यालो प्रतिनिधि उज्यालो प्रतिनिधि १४ कार्तिक २०७७, शुक्रबार