उज्यालो प्रतिनिधिकाठमाडौं । नेपाली म्युजिक भिडियो क्षेत्रका प्रतिभाशाली ध्वनि सम्पादक मनोज डंगोलले फेरि एकपटक आफ्नो दक्षताको प्रमाण प्रस्तुत गर्दै तेस्रो स्टार म्युजिक भिडियो अवार्ड २०२५ मा सर्वोकृष्ट ध्वनि सम्पादकको उपाधि प्राप्त गरेका छन्।उक्त अवार्ड उनले “मनको बाघले खाल्ला जिन्दगी” बोलको भावनात्मक गीतमा दिएको उत्कृष्ट ध्वनि संयोजनका लागि प्राप्त गरेका हुन्।अवार्ड समारोह राजधानीको लाजिम्पाटस्थित डुसिट प्रिन्सेस काठमाडौं — अत्याधुनिक ४.५ तारे होटल — मा आयोजित गरिएको थियो। पूर्व खानेपानी मन्त्री विना मगरको प्रमुख आतिथ्यमा सम्पन्न सो कार्यक्रमले नेपाली म्युजिक भिडियो क्षेत्रमा क्रिएटिभ प्रतिभालाई सम्मानित गर्यो।
हाल स्टुडियो २१ रेकर्डिङ स्टुडियोमा आवद्ध रहेका डंगोल विगत केही वर्षदेखि निरन्तर रूपमा आफ्नो सशक्त ध्वनि सम्पादन शैलीमार्फत दर्शक र स्रोताको मन जित्दै आएका छन्।उनले यसअघि पनि: स्टार म्युजिक एन्ड फिल्म्स अवार्ड २०७८ मा “पाउ हजुरको” गीतबाट,पाँचौं मनास्लु राष्ट्रिय अवार्ड २०७८ मा,र स्टार म्युजिक भिडियो अवार्ड २०२२ मा पनिसर्वोकृष्ट ध्वनि सम्पादकको अवार्ड प्राप्त गरिसकेका छन्।
मनोज डंगोलका लागि ध्वनि सम्पादन केवल प्रविधि होइन — त्यो भावना, कथा र जीवनको गहिरो अनुभूति हो। हरेक ध्वनिको लयमा उनले श्रोताको मन छुने कथा बुनिरहेका हुन्छन्, जुन कारणले उनलाई अहिलेको समयका अग्रणी ध्वनि सम्पादकमध्ये एक मानिन्छ।
बुद्ध लोप्चन
उज्यालो प्रतिनिधि