सुरेश तिमल्सिना, काठमाडौँ । बर्खाको बेला उर्लेर आएको खहरे खोलाले आमाबुवालाई बगाएपछि केशरी र उसको बहिनी सुस्मा टुहुरा हुन्छन । यहीँ घटनालाई आधार बनाएर गत कार्तिक २ गतेबाट हरेक शुक्रबार बेलुकी केशरी अफिसियल युटुव च्यानल मार्फत प्रशारणमा आईरहेको सामाजिक कथा झल्कने सिरियल “जीवनको रङ्ग केशरी” ले यतिबेला दर्शकको मन जितिरहेको छ ।

सिरियलको लेखन सुवास सुबेदिले गर्दै आईरहेका छन भने वसन्तको भुमिका समेत उनी आफैंले गर्दै आईरहेका छन् । हाल युटुबमा मात्रै आईरहेको सिरियल छिट्टै नै टेलिभिजनमा समेत प्रशारण हुने सिरियलका निर्देशक तथा निर्माता सरोज घिमिरे बताउछन । घिमिरे भन्छन् “हामिले हाम्रै समाज भित्रैको कथा भन्ने हो, केशरी हाम्रै समाजको कथा हो । जुन हिसाबको कथा छ त्यो हामी सबैको जीवनसँग मिल्न गएको प्रतिक्रिया दर्शहरुबाट पाईरहेका छौँ । सोही कारणले हामिलाई अझै अगाडि बढ्न प्रेरणा मिलिरहेको छ ।”

सिरियलमा केशरीको भुमिका आयुस्मा कार्किले गरेकी छिन भने कलाकारहरु देशभत्त खनाल, रमा थपलिया, सविन बास्तोला, सिरु विष्ट, सुवास सुवेदी, अमृता श्रेष्ठ , रमेश बुढाथोकी, सुप्रभा अधिकारी, मौसम कार्की, नारायण क्षेत्री लगायतले अभिनय गर्दै आईरहेका छन् ।