उज्यालो प्रतिनिधि
श्रीलङ्काको केन्द्रीय बैङ्कद्वारा सार्वजनिक गरिएको पछिल्लो तथ्याङ्कअनुसार सन् २०२५ को पहिलो त्रैमासिकमा पर्यटन तथा वैदेशिक रेमिट्यान्स आम्दानीमा सकारात्मक वृद्धि भएको छ । यी दुई क्षेत्रहरू मुलुकका प्रमुख वैदेशिक मुद्रा आर्जन गर्ने स्रोतहरू हुन् ।
जनवरीदेखि मार्च सन् २०२५ सम्म, वैदेशिक रोजगारीबाट प्राप्त रेमिट्यान्स १.८ अर्ब अमेरिकी डलरभन्दा बढी पुगेको छ, जुन सन् २०२४ को सोही अवधिको करिब १.५ अर्ब डलरसँग तुलना गर्दा उल्लेखनीय वृद्धि हो ।
सन् २०२४ को सम्पूर्ण अवधिमा श्रीलङ्काले ६.५७ अर्ब अमेरिकी डलरभन्दा बढी रेमिट्यान्स प्राप्त गरेको छ, जसमा अघिल्लो वर्षको तुलनामा १०.१ प्रतिशत वृद्धि देखिएको छ ।
यसैगरी, सन् २०२५ को पहिलो त्रैमासिकमा पर्यटनबाट प्राप्त आम्दानी १.१ अर्ब अमेरिकी डलरभन्दा बढी रहेको छ, जुन अघिल्लो वर्षको सोही अवधिको तुलनामा ९.४ प्रतिशतले वृद्धि भएको हो ।
त्यस्तै, सो अवधिमा श्रीलङ्कामा आगमन भएका पर्यटकहरूको सङ्ख्या सात लाख २२ हजार नाघेको छ, जसमा अघिल्लो वर्षको तुलनामा १३.६ प्रतिशत वृद्धि देखिएको छ ।
बुद्ध लोप्चन
उज्यालो प्रतिनिधि