उज्यालो प्रतिनिधि
गोलबजार । सिराह जिल्ला गोलबजार नगरपालिका वडा नं. १० धर्मपुरमा नमो बुद्ध यूवा क्लवको सहकार्यमा वृक्षारोपण कार्यक्रम गरेको छ । स्थानीय युवराज लामाको सहयोगमा १६० थान आशेक विरुबा कुल्टो प्रजातिको वृक्षारोपण कार्यक्रम सम्पन्न भएको छ । वृक्षारोपण कार्यक्रममा नमो बुद्ध यूवा क्लवका खेलाडीहरुले श्रमदान गरेर सहयोग गरेका थिए ।
स्वच्छ वायु, स्वच्छ जीवन तथा मुहान संरक्षणका लागि वृक्षारोपण भन्ने उदेश्य कार्यक्रम सुरुवात गरेको नमो बुद्ध यूवा क्लवको अध्यक्ष अमित लामाले बताए । लामाले रोपिएको बिरुवाहरु संरक्षण गर्न नियमित रेखदेख गरि हुर्काउन सके मात्रै वृक्षारोपणले सार्थकता पाउने बताएका छन् ।
नमो बुद्ध यूवा क्लवले वन फँडानी विरुद्ध लड्न र जलवायु परिवर्तनका प्रभावहरूलाई न्यूनीकरण गर्ने सवालमा महत्व दिँदै आएको छ । रूख रोपेर, बृद्धि गर्ने, प्राकृतिक बासस्थान पुनर्स्थापना गर्ने, जलवायु परिवर्तनसँग लड्ने र स्थानीय समुदायहरूलाई दीर्घकालीन फाइदाहरू प्रदान गर्ने लक्ष्य राखेको छ।
उज्यालो प्रतिनिधि