देउखुरी । देउखुरीको चिसापानीमा यात्रुबाहक बस दुर्घटनामा परेको छ । बिहीबार दिउँसो १२:३० बजे कोइलाबास देखि लमही तर्फ जाँदै गरेको रा १ ख ८३३ बस चिसापानी नजिकै ब्रेकफेल हुदाँ दुर्घटनामा परेको इलाका प्रहरी कार्यालय गढवाले जनाएको छ ।

बसमा सवार यात्रुहरू सबै सामान्य घाइते रहेको इलाका प्रहरी कार्यालय गढवाका प्रहरी प्रमुख कालिका कार्कीले जानकारी दिए। बसमा सवार यात्रुहरू प्रायः स्वर्गद्वारी दर्शनको लागि गन्तव्यमा हिडेको बुझिएको छ । घाइतेहरूको लमही अस्पतालमा उपचार भइरहेको छ ।

बस र चालक प्रहरीको नियन्त्रणमा रहेको इलाका प्रहरी कार्यालय गढवाका प्रहरी प्रमुख कालिका कार्कीले जानकारी दिए । गढवा गाउँपालिका वडा नम्बर ८ का वडाध्यक्ष खालिक सिद्दिकि, सशस्त्र प्रहरी बल नेपाल प्रस्तावित गुल्मका गुल्मपति अर्जुन पौडेल र इलाका प्रहरी कार्यालय कोइलाबासका प्रहरी प्रमुख कुमार केसीले घाइतेहरूको उद्दार गरि उपचारको लागि लमही अस्पतालमा पठाएका हुन् ।