उज्यालो प्रतिनिधि
काठमाडौँ । वेस्ट इन्डिज ‘ए’ विरुद्ध टी–२० सिरिजको तेस्रो खेलमा जितका लागि नेपालले दुई सय २८ रनको चुनौतीपूर्ण लक्ष्य पाएको छ ।
कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ रोजेको वेस्ट इन्डिज ‘ए’ ले निर्धारित २० ओभरमा तीन विकेटको क्षतिमा दुई सय २७ रन बनायो । वेस्ट इन्डिजका लागि जोनसन चार्ल्सले सतकीय पारी खेल्नुभयो । उहाँले ६१ बलमा १३ चौका र सात छक्काको सहयोगमा अविजित एक सय १९ रन बनाए ।
यस्तै आन्द्रे फ्लेचरले ५३ रन बनाउनुभयो । फाबिएन एलेनले १९, ओपनर एलिक अथान्जेले १७ रन र किमो पलले अविजित १३ रन बनाउनुभयो । बलिङमा नेपालका सागर ढकाल र करण केसीले एक एक विकेट लिए ।
पाँच खेलको सिरिज अहिले १–१ को बराबरी अवस्थामा छ । नेपाल पहिलो खेलमा नेपाल चार विकेटले विजयी भएको थियो । दोस्रो खेल वेस्ट इन्डिजले १० रनले जितेको थियो । नेपालले वेस्ट इन्डिज ‘ए’ विरुद्ध आसन्न आइसिसी टी–२० विश्वकप क्रिकेटको तयारीका लागि सिरिज खेलेको हो ।
उज्यालो प्रतिनिधि