देउखुरी । नेपाल-भारत सीमावर्ती क्षेत्रबाट प्रहरीले लागू औषध चरेस सहित एक जना महिलालाई प्रहरीले पक्राउ गरेको छ ।

पक्राउ पर्नेमा घोराही उपमहानगरपालिका- १३ डुमरगाउँ निवासी ४१ वर्षिया सुकमाया बुढा रहेको जिल्ला प्रहरी कार्यालय दाङका प्रवक्ता जनक बहादुर मल्लले जानकारी दिए ।

सिमा प्रहरी चौकी कोइलाबासका प्रहरी नायब निरीक्षक कुमार केसीको कमान्डमा खटिएको प्रहरी टोलीले ६ किलो ८ सय २० ग्राम लागू औषध चरेस कम्मरमा बाँधेर भारत तर्फ लैजान लागेको अवस्थामा बुढालाई पक्राउ गरिएको प्रवक्ता मल्लले बताए ।