अविरल जनसाहित्य यात्रामा पौडेलका कविता

उज्यालो प्रतिनिधि ११ चैत्र २०८०, आईतवार कला/साहित्य

काठमाडौँ । राष्ट्रिय जनसाहित्यिक सङ्घ, नेपालको ‘अविरल जनसाहित्य यात्रा–८८’ मा शनिबार प्रगतिवादी कवि भवानी पौडेलका कविता प्रस्तुत गरिएको छ ।

कार्यक्रममा कवि पौडेलले ‘देश बनाउन आऊ’, ‘धर्ती बनाऊ सौरभ’, ‘फिडेल क्यास्ट्रोको सम्झनामा’ ‘सिर्जनाको मूल’, ‘हाम्रो घर’ र ‘आमा’ तथा सहयोगी कविहरू शारदा केसी क्षेत्रीले पौडेलका ‘त्यो युद्ध’, रूपक अलङ्कारले ‘चैतन्य फेरौँ अब’, सुभानी उपाध्यायले ‘साझा मान्छे’, डम्बर पहाडीले ‘मोटे सार्की’ र हरिशचन्द्र गौतमले ‘अब जाग्नुपर्छ’ शीर्षकका पौडेलका कविता वाचन गरेका थिए ।

प्रस्तुत कवितामा टिप्पणी गर्दै समीक्षक डा गोविन्दप्रसाद आचार्यले सामाजिक रूपान्तरणका पक्षमा साधना गर्ने स्रष्टाका कवितामा आशावाद र सामाजिक यथार्थ आउनैपर्ने बताए । “कवितामा मानवीय पीडा अभिव्यक्त भएको छ, सामाजिक विभेदको जीवन्त चित्र पनि खिचिएको पाइन्छ । समाजमा भ्रम छर्नेका विरुद्ध हाम्रा सिर्जनाले चेतना सम्प्रेषण गर्नु आवश्यक छ”, उनले भने ।

राष्ट्रिय जनसांस्कृतिक महासङ्घका अध्यक्ष प्रेमनाथ अधिकारीले राजनीतिले मूर्तरूप लिएपछि सामाजिक रूपान्तरण गर्न राजनीति र संस्कृतिको मेल आवश्यक भएकाले समाजलाई जोड्न संस्कृतिकर्मीको महत्त्वपूर्ण भूमिका हुने बताए ।

सङ्घका अध्यक्ष राम विनयले स्रष्टाले अराजकतावादको विरोधसहित स्पष्ट विचारका साथ सामाजिक रूपान्तरणका पक्षमा सन्देश सम्प्रेषण गर्नुपर्ने बताए ।

अविरल शृङ्खलाका संयोजक डा हरिप्रसाद सिलवालले विसं २०३४ फागुन १२ गते कपिलवस्तुमा जन्मिएकी पौडेलका ‘समयको सारङ्गी’ कविता सङ्ग्रह प्रकाशित छ भने पछिल्ला दिनमा उहाँ आख्यान लेखनमा पनि सक्रिय रहेको जानकारी दिए ।

Facebook Comments Box

सम्पादकीय

सबै

सम्पादकीय : संविधान संशोधनको बाटोमा अगाडि बढौँ

आज संविधान दिवसको सातौँ संस्करण । आजभन्दा ६ वर्षअगाडि वि.स. २०७२ साल असोज ३ गते मुलुकमा संविधान जारी भएको थियो

उज्यालो प्रतिनिधि ३ आश्विन २०७८, आईतवार

विशेष सम्पादकीय : राष्ट्रपतिलाई महाअभियोग लगाउन बिलम्ब नगरौँ

बुद्ध लोप्चन २८ असार २०७८, सोमबार

ख्यालख्याल होइन, कोरोना

उज्यालो प्रतिनिधि २५ बैशाख २०७८, शनिबार

विशेष सम्पादकीय : खड्गप्रसाद तुरुन्त बोल, उज्यालो नेटवर्ककर्मीलाई बिना शर्त रिहाई

उज्यालो प्रतिनिधि १२ बैशाख २०७८, आईतवार