उज्यालो प्रतिनिधि
काभ्रे । जाजरकोट केन्द्रविन्दु भएर गएको भूकम्पका पीडितहरुलाई राहत उपलब्ध गराउनका लागि काभ्रेको खानीखोला गाउँपालिकाका जनप्रतिनिधि र कर्मचारीले कम्तीमा ५ दिनको सेवा सुविधा तथा तलबभत्ता उपलब्ध गराउने भएको छ ।
गाउँपालिकाका अध्यक्ष इन्द्रबहादुर थिङ छिन्ताङको समुपस्थितिमा बसेको जनप्रतिनिधि र कर्मचारीहरुको संयुक्त बैठकले यस्तो निर्णय गरेको खानीखोला गाउँपालिकाका लेखा शाखा प्रमुख बमकाजी श्रेपालीले जानकारी दिए ।
भूकम्प प्रभावित क्षेत्रका स्थानीय तहको राहत उद्धार कोषमार्फत् राहत उपलब्ध गराउने गरी खानीखोलाका जनप्रतिनिधि र कर्मचारीको कम्तिमा ५ दिनको सेवा सुविधा तथा तलबभत्ता कट्टा गरी राहत रकम संकलन गरी उपलब्ध गराउने निर्णयमा उल्लेख छ ।
भूकम्प प्रभावितहरुको लागि देश तथा विदेशबाट सहयोग उठ्ने क्रम जारी छ ।
Facebook Comments Box
