काठमाडौं । प्रतिनिधिसभा सदस्य एवम् माओवादी केन्द्रका नेता राजन दाहालले राष्ट्रिय स्वतन्त्र पार्टीका सभापति रवि लामिछाने वर्तमान राजनीतिका नम्बरी ठग रहेको आरोप लगाएका छन् ।

पछिल्लो समय सरकार र केही नेताहरूको आलोचना गरेर सामाजिक संजालबाट उदाएका रविमा वैचारिक शिष्टता र संगठनात्मक दक्षता समेत नरहेको बताए ।

उज्यालो नेटवर्कबाट प्रसारित कार्यक्रम उज्यालो संवादमा कुराकानी गर्ने क्रममा सांसद दाहालले लामिछानेहरु प्रतिक्रियात्मक रहेको तर सिर्जनात्मक नरहेको बताएका छन् ।

उनले भने रविहरुले सधैं अरुको कामकारबाही माथि प्रतिक्रिया दिए तर हामीले यो यो काम गरे भनेर कुनै सिर्जनात्मक तर्क नगरेको बताए । युवाहरूलाई देशमा केही सम्भावना छैन भन्दै समाज भट्काउने काम समेत गरिरहेको बताए ।

सधैं स्टन्ट गरेर क्षणिक जनतालाई भ्रममा पारे पनि अश्लि अनुहार थाहा पाएको दिन लामिछानेसंगै ज्ञानेन्द्र शाहीहरु समाजबाट नांगिदै जाने बताए ।