उज्यालो प्रतिनिधि
पाल्पा । पाल्पामा आइतबार राति मोटरसाइकल दुर्घटना हुँदा एक युवकको मृत्यु भएको छ ।
तानसेन–तम्घास सडक खण्डको अर्गलीस्थित पुरानो गाउँमा जोर्तेदेखि अर्गलीतर्फ जाँदै गरेको लु४२प ६७०९ नम्बरको मोटरसाइकल भित्तामा ठोक्किएर दुर्घटना हुँदा सल्यानको कालीमाटी गाउँपालिका वडानम्बर २ का अन्दाजी ३० वर्षीय नरेश घर्ती मगरको मृत्यु भएको प्रहरीले जनाएको छ । दुर्घटनापछि तानसेनस्थित युनाइटेड मिसन अस्पतालमा चिकित्सकले उनलाई मृत घोषणा गरेका थिए ।
प्रहरीका अनुसार सोही मोटरसाइकलको पछाडि सवार नवलपरासी सरावल गाउँपालिका–१ का २८ वर्षीय प्रकाश थारू घाइते भएका छन्। मोटरसाइकल आइतबार राति साढे १ बजे दुर्घटना भएको थियो । दुर्घटना बारे थप अनुसन्धान जारी रहेको प्रहरीले जनाएको छ ।
Facebook Comments Box
उज्यालो प्रतिनिधि
बुद्ध लोप्चन