उज्यालो प्रतिनिधि
काठमाडौँ । हङकङलाई डकवर्थ लुईसमा हराउँदै नेपालले चार देश सम्मिलित महिला टी–२० आई सिरिजको उपाधि जितेको छ। नेपालले डकवर्थ लुईस पद्दती अनुसार हङकङलाई १३ रनले पराजित गरी उपाधि जितको हो।
हङकङले दिएको १ सय २ रनको लक्ष्य पछ्याउने क्रममा ५ दशमलब ३ ओभरको खेल खेल्ने क्रममा वर्षाका कारण खेल रोकिएको थियो । भारी वर्षाका कारण पुन खेल सुचारु हुन नसक्दा नेपाल विजयी भएको हो ।
वर्षा सुरु हुनु अघि नेपालले ५ दशमलब ३ ओभरमा १ विकेट गुमाएर ३७ रन बनाएको थियो । हङकङले दिएको १ सय २ रनको लक्ष्य पछ्याएर नेपालले ब्याटिङ गरिरहेको थियो ।
नेपालकी इन्दु बर्माले १९ बलमा २ चौकासहित १९ रन र सीता रानामगरले १३ बलमा १ चौकासहित १३ रन बनाए। नेपालले ओपनर काजोल श्रेष्ठलाई पहिलो बलमै गुमाएको थियो ।
त्यसअघि मलेसियाको बायोमास ओभलमा टस हारेर पहिला ब्याटिङको निम्तो पाएको हङकङले निर्धारित २० ओभरमा ६ विकेट गुमाउँदै १ सय १ रन बनाएको थियो ।
हङकङकी कप्तान केरी चानले ४५ बलमा सर्वाधिक २९ रन बनाएकी थिइन् । नेपालको खुशी डंगोलले ३ तथा अश्मिना कर्माचार्य र कविता जोशीले समान १/१ विकेट लिएका थिए ।
उज्यालो प्रतिनिधि
बुद्ध लोप्चन