सिराहा । नेपाल तामाङ घेदुङ सिराहा जिल्ला समिति र नेपाल मगर संघ जिल्ला कार्य समिति सिराहाले संयुक्त रुपमा जिल्ला प्रशासन कार्यालय सिराहा प्रमुख जिल्ला अधिकारी राजेन्द्रदेव पाण्डेमार्फत गृहमन्त्रीलाई ज्ञापन पत्र प्रदान गरेको छ । धन प्रसाद मोक्तान र प्रकाश दर्जा मगरले संयुक्त रुपमा ज्ञापन पत्र प्रदान गरिएको हो ।

ज्ञापन पत्रमा शितल भन्ने भगवती पाण्डे अधिवक्ताले प्राइम टाइम टेलिभिजनमा गत साउन ७ गते दिक्पाल कार्कीद्धारा सञ्चालीत चिया गफ कार्यक्रमको अन्तरवार्ताका क्रममा तामाङ र मगर जातीमा दाजुबहिनि बीचमा विवाह हुने गरेको र त्यस्तो सम्बन्धबाट जन्मीएको बच्चा अपराधिक मानसिकताको हुनुका साथै यस्तो मानीस भैसी र बाख्रा भन्दापनी तुच्छ हुन्छ भनी दिएको अभिव्यक्ति प्रति घोर भत्सर्ना भएको उल्लेख गरीएको छ ।

विज्ञप्ती मार्फत तामाङ र मगर समुदायलाई अपराधिकरण गर्नेगरी विवादास्पद अभिव्यक्ति दिने अधिवक्ता भगवती पाण्डेलाई कानुन बमोजिम हदै सम्मको सजाय, शान्तिपुर्ण आन्दोलनमा सहभागी अभियान्ताहरुलाई बल प्रयोग गरी चरम यातना दिने टेकु र काठमाण्डौँका प्रहरी वरिष्ठ उपरिक्षक दान ब कार्की सहित सबै प्रहरीलाई कार्वाहि र साउन १७ गतेको आन्दोलनमा प्रहरीको चरम यातना तथा निर्घात कुटपिटबाट घाइते भएका दर्जनौँ अभियन्ताहरुलाई उपचार खर्च सहित उचित क्षतीपुर्तीको माग गरीएकोे छ ।