उज्यालो प्रतिनिधि
युएई । वैदेशिक रोजगारको क्रममा युएईमा रहेका तामाङहरुको छाता संगठन तामाङ समाज युएईले अर्धवार्षिक प्रगतिविवरण सार्वजनिक गरेको छ ।
सामाजिक गतिविधिमा ३,४०,९११ रुपैयाँ नगद सहयोग गरेको रिपोर्टिङ सार्वजनिक गर्दै उक्त संस्थाले विभिन्न कार्यक्रमहरुको कार्यतालिका समेत सार्वजनिक गरेका छन् ।
कुनै समय युएईको सक्रिय संस्थाहरु मध्येका तामाङ समाज युएईको नेतृत्व सनिल घिसिङले समालेपछि सामाजिक गतिविधि शुन्य भएको र कुनै पनि निर्णय आफ्नो स्वच्छचारी ढंगले लिएको भन्दै बहुमत केन्द्रीय सदस्यहरुले घिसिङलाई कारबाही गरेयताको प्रतिवेदन सार्वजनिक गरेका थिए ।
गता डिसेम्बर १८ तारिखमा संस्थापक तथा संरक्षक सदस्यहरुको नेतृत्वमा विशेष भेला तथा अधिवेशनबाट जितेन्द्र गोले तामाङले नेतृत्व लिएपछि उक्त संस्थाले निरन्तर सामाजिक गतिविधिलाई तिव्रता दिइरहेका छन् ।
सोनाम ल्होछारको अवसरमा ‘सेलो विशेष ल्होछार कार्यक्रम-२०२२ कार्यक्रम’ देखि स्वर्गीय बरिस्ठ कलाकार जयनन्द लामाको सालिक अनवरण तथा पार्क निर्माणमा आर्थिक सहयोग, बिरामी कलाकारहरुलाई आर्थिक सहयोगसम्मको कार्यक्रम सम्पन्न गरिसकेका छन् ।
बुद्ध लोप्चन