काठमाण्डौं । बिर ब.तामाङ गोङ्बोको जेठिला माया आम्लोङ ताजी गीतको (म्युजिक भिडियो) भरखरै छायांकन सम्पन्न भएको छ ।

पारिवारिक यथार्थ कहानिमा बनेको उक्त गीतमा निक्कै ठट्यौली पाराले जुहरिको रुपमा शब्द रचना गरिएको छ । परिवारभित्र भएको दोस्रो बिवाहा र त्यसपछिको अवस्थालाई समेत उजागर गरेर शब्दहरु रचिएका छन् र ती शब्दहरुमा उत्तीकै मीठो तवरले संगीत भरीएको छ । यस गीतको गीतकार तथा संगीतकार बिर ब.तामाङ गोङ्बो हुन् । गीतमा बिर ब.तामाङ गोङ्बो स्वयम र चर्चित गायिका जितु लोप्चानको स्वर रहेको छ भने मिक्सिङ एरेन्ज अर्पनले गरेका छन् ।

अहिले यस गीतको भिडीयो छायाङ्कन पस्चात सम्पादन र पोस्ट प्रोडक्सनको काम धमाधम भइरहेको छ । भिडियोमा निर्देशन तामाङ चलचित्रका महानायक अमिर दोङको रहेको छ भने कोरियोग्राफर हेरुका लामा बल रहेको छ । भिडियो छायाङ्कन तथा ड्रोन अपरेटरको भूमिकामा भने त्रिलोक लामा रहेको छ ।

भिडियोको मुख्य भूमिकामा अमिर दोङ र अम्बालिका तमाङलाई देख्न सकिनेछ । अतिथी कलाकारहरुमा हांस्या कलाकार कुइसाङ रुम्बा, लुक्सी तमाङ, नायिका तथा मोडल क्रिश्मा वाइबा र छेडुप दोङलाई देख्न सकिनेछ ।

गायक तथा संगीतकारद्वय बिर ब.तामाङ गोङ्बोले यस अघि आङिला जामे, म्हाबर ल्हा, तिगा ताबा धर्सेला छामे कोला, फा म्हाईसि म्योदामजिम, क्युङ्बा कालाङ्सि, म्हेन्दो धोसि टिउ ए माया, ति धिङ ङ्हि धिङ, सुन चुरा, ज्योन गाउले ल्होछार गीत, क्राचम थैकट लगायत तिन दर्जन भन्दा धेरै गीतहरु बजारमा ल्याइसकेका छन ।

भरखरै छायाङ्कन सम्पन्न भएको जेठिला माया आम्लोङ ताजी भिडोयो निर्माणका प्रोड्युसर भने बिर ब.तामाङ गोङ्बो र रिपु योन्जन रहेका छन । भिडियोको मेकअप आर्टिस्ट रेशम लामा रहेको छ ।