उज्यालो प्रतिनिधि
काठमाडौं । ‘स्वच्छ पशुपति,सफा पशुपति र हराभरा पशुपति’ भन्ने मुल नारा बोकेर केही दिन यता प्रत्येक शनिबार संस्कृति,पर्यटन तथा नागरिक उड्डयन मन्त्री सुदन किराँतीले सुरु गरेको अभियानमा वाइसीएल नेपाल सहभागी भएका छन् ।
माओवादी केन्द्रको सहायक संगठन योङ कम्युनिस्ट लिग नेपाल(वाइसीएल) का अध्यक्ष सुबोधराज शेर्पालीको नेतृत्वमा मन्त्री किराँतीले संचालन गरिरहेको उक्त सरसफाइ अभियानमा वाइसीएलको टोली सहभागी भएको थियो ।
पशुपतिको करातेश्वर आसपासमा विहान ठिक ०८:०० बजेदेखि १०:३० सम्म वाइसीएलका दर्जनौं नेता कार्यकर्ताहरु कुचो र झाडु बोकेर त्यहाँ पुगेको वाइसीएल प्रचारप्रसार विभाग प्रमुख नवराज आयरले उज्यालो नेटवर्कलाई जानकारी गराए ।
मन्त्री किराँतीले शुरु गरेको तीन महिने पशुपति क्षेत्र सरसफाइ अभियानमा उत्साहजनक देखिएको छ । यस अभियानमा सरसफाइ संगै वृक्षरोपण समेत गरिएको छ । प्रत्येक शनिवार बिहानको समयमा गरिने यो अभियान फागुन २८ गतेदेखि शुरु गरिएको हो ।
बुद्ध लोप्चन