उज्यालो प्रतिनिधि
काठमाडौँ। आजबाट सुरु भएको एसीसी प्रिमियर कपमा नेपालले विजयी सुरुवात गरेको छ ।
टियु क्रीकेट मैदानमा भएको समूह ‘ए’ को पहिलो खेलमा नेपालले मलेसियालाई ६ विकेटले पराजित गरेको छ ।मलेसियाले दिएको २ सय ३६ रनको लक्ष्य नेपालले ३६.२ ओभरमा ४ विकेट गुमाएर पूरा गर्यो ।
नेपालका लागि कुशल भिम सार्की र मल्लले अर्धशतकीय ईनिङ खेले । भिम ९७ बलमा ५ चौका सहयोगमा ७१ रन बनाएर आउट भए । मल्लले ४० बलमा ५ चौका र ५ छक्काको सहयोगमा अविजित ७० रन बनाए ।कप्तान रोहितकुमार पौडेलले ४२ रन बनाउँदा ओपनर कुशल भुर्तेलले ३८ रन बनाए ।
मलेसियाका लागि विजय उन्नी,विरनदिप सिंह,मोहम्मद वाफिक र रिजवान हैदरले समान १र१ विकेट लिए।
त्यसअघि टस जितेर सुरुमा ब्याटिङ गरेको मलेसिया ५० ओभरमा ९ विकेट गुमाएर २ सय ३५ रनमा समेटियो। मलेसियाका लागि अहमद फैजले सर्वाधिक ७६ रन बनाए । उनले ९५ बलमा ८ चौका र १ छक्का प्रहार गरे। विरन्दिप सिंहले ४६ रन बनाउँदा ओपनर मोहम्मद अमिर १७ रनमा आउट भए ।
विजय उन्नी १२ मा आउट हुँदा सायद अजिज १३ रन बनाए । खिजार ह्यायातले २२ तथा साजरुल इद्रासले अविजित १५ रन बनाए ।
नेपालका लागि सोमपाल कामी र सन्दीप लामिछानेले समान ३र३ विकेट लिए । ललित नारायण राजवंसी २ तथा गुल्सन झाले १ विकेट लिए ।नेपालले अर्को खेल वैशाख ८ गते ओमानविरुद्ध खेल्नेछ ।
उज्यालो प्रतिनिधि
बुद्ध लोप्चन