उज्यालो प्रतिनिधि
काठमाडौं । नवयनियुक्ति मन्त्रीहरुको सपथ आज दिउँसो ३ बजे हुने भएको छ । प्रधानमन्त्री पुष्पकमल दाहाल प्रचण्डले नयाँ मन्त्रीहरुको नामवली राष्टपति कार्यालयमा बुझाइसकेका छन् ।
प्राप्त सुचनाअनुसार जसपाका नेता अशोक राई शिक्षामन्त्री हुने भएका छन् । ऊर्जामन्त्रीमा माओवादीका शक्ति बहादुर बस्नेत नियुक्त भएका छन् । नागरिक उन्मुक्ति पार्टीबाट रञ्जिता चौधरी भुमि व्यवस्था तथा सहकारी मन्त्री बन्ने भएकी छन् ।
माओवादीका सुदन किराँती पर्यटन, अमन लाल मोदी संघीय मामिला तथा सामान्य प्रशासन र रेखा शर्माको सञ्चार मन्त्रालय यथावत रहने भएको छ । भौतिक पूर्वाधारमन्त्री नारायणकाजी श्रेष्ठ गृहमन्त्री बन्ने भएका छन् ।
जनमत पार्टीका अब्दुल खाण पनि खानेपानी मन्त्री नै यवात् रहने भएका छन् । नेसपाका महिन्द्रराय यादव महिला, बालबालिका तथा ज्येष्ठ नागरिक मन्त्री बनेका छन् ।
कांग्रेसबाट पूर्णबहादुर खड्का उपप्रधान तथा रक्षामन्त्री बन्ने छन् भने प्रवक्ता प्रकाशशरण महत अर्थमन्त्री हुनेछन् । रमेश रिजाल उद्योग र सीता गुरुङ शहरी विकासमन्त्री बन्ने पक्का भएको छ ।
यस्तै एकीकृत समाजवादीका उपाध्यक्ष बेदुराम भुसाल कृषि र उपमहासचिव प्रकाश ज्वाला भौतिक पूर्वाधार तथा यातायातमन्त्री नियुक्त भएका छन् ।
बुद्ध लोप्चन
उज्यालो प्रतिनिधि