दुई विधेयक दफावार छलफलका लागि समितिमा

उज्यालो प्रतिनिधि २९ भाद्र २०७९, बुधबार समाचार

काठमाडौँ । राष्ट्रियसभाको आजको बैठकले प्रतिनिधिसभाबाट सन्देशसहित प्राप्त ‘बीमा विधेयक, २०७५’ र ‘सार्वजनिक ऋण व्यवस्थापन विधेयक, २०७६’ लाई दफावार छलफलका लागि विधायन व्यवस्थापन समितिमा पठाएको छ ।

बैठकमा अर्थमन्त्री जनार्दन शर्माका तर्फबाट कृषि तथा पशुपक्षी विकासमन्त्री मृगेन्द्रकुमार सिंह यादवले उक्त विधेयक दफावार छलफलका लागि विधायन व्यवस्थापन समितिमा पठाइयोस् भन्ने प्रस्ताव प्रस्तुत गर्नुभएको थिए । ती विधेयकलाई विधायन समितिमा पठाउनेसम्बन्धी प्रस्ताव सर्वसम्मतिले स्वीकृत भएको थिए ।

बैठकमा विधायन व्यवस्थापन समितिका सभापति डा बेदुराम भुसालले ‘पशु स्वास्थ्य तथा पशु सेवा परिषद् विधेयक, २०७६’ सम्बन्धी विधायन व्यवस्थापन समितिको प्रतिवेदन पेस गर्नुभएको थिए। सो विधेयक प्रतिनिधिसभामा उत्पत्ति भई उक्त सभाबाट पारित भएर सन्देशसहित राष्ट्रियसभामा आएको थिए ।

राष्ट्रियसभाको यही भदौ २१ को बैठकले सो विधेयकलाई दफावार छलफल गरी प्रतिवेदन पेस गर्न विधायन व्यवस्थापन समितिमा पठाएको थिए । समितिको यही भदौ २४, २६, २७ र २८ गते बसेको बैठकमा विधेयकमाथि छलफल भएको सभापति डा भुसालले जानकारी गराए ।

समितिले कृषि तथा पशुपक्षी विकासमन्त्री, मन्त्रालयका सचिव, विभिन्न मन्त्रालयका पदाधिकारी लगायतसँग विधेयकका सम्बन्धमा छलफल गरेको थियो । विधेयकका विभिन्न दफामा समूहगत र व्यक्तिगत गरी कूल २६ सांसदले ८६ बुँदामा संशोधन प्रस्ताव राख्नुभएको थियो ।

बैठकमा राष्ट्रियसभा अध्यक्ष गणेशप्रसाद तिमिल्सिनाले राष्ट्रपति कार्यालयबाट प्राप्त ‘खानेपानी तथा सरसफाइ विधेयक, २०७९’, ‘तथ्याङ्कसम्बन्धी कानुनलाई संशोधन र एकीकृत गर्न बनेको विधेयक, २०७९’, ‘स्ट्यान्डर्ड नाप र तौल ऐन, २०२५ लाई संशोधन गर्न बनेको विधेयक, २०७९’, ‘प्रत्यायन सम्बन्धमा व्यवस्था गर्न बनेको विधेयक, २०७९’, ‘सार्वजनिक पद धारण गर्ने व्यक्तिको शपथसम्बन्धमा व्यवस्था गर्न बनेको विधेयक, २०७९’ र ‘योगमाया आयुर्वेद विश्वविद्यालयको सम्बन्धमा व्यवस्था गर्न बनेको विधेयक, २०७९’ विधेयक प्रमाणीकरणसम्बन्धी पत्र पढेर सुनाउनुभएको थियो ।

सङ्घीय संसद्का दुवै सदनबाट पारित भई नेपालको संविधानको धारा ११३ को उपधारा १ बमोजिम प्रमाणीकरणका लागि पेस भएका ती विधेयक राष्ट्रपतिले विभिन्न मितिमा प्रमाणीकरण गर्नुभएको थियो । बैठकमा राष्ट्रियसभाका सचिव राजेन्द्र फुयाँलले प्रतिनिधिसभाबाट सन्देशसहित प्राप्त केही नेपाल ऐनलाई संशोधन गर्न बनेकोे विधेयक, २०७९ लाई सभासमक्ष टेबुल गर्नुभएको थियो । राष्ट्रियसभाको अर्को बैठक यही भदौ ३० गते अपराह्न २ः५९ बजे बस्नेछ ।

उज्यालो नेटवर्कका अन्य समाचार पनि पढ्न सक्नुहुन्छ । 

Facebook Comments Box

सम्पादकीय

सबै

कांग्रेसले हिड्न खोजेको ‘[अ]लोकतान्त्रिक बाटो’

संसद्को प्रमुख प्रतिपक्षी दल नेपाली कांग्रेस उपप्रधानमन्त्री एवम् गृहमन्त्री रवि लामिछानेमाथि संसदीय छानबिन समिति गठन गरी छानबिन गर्नुपर्ने मागबाट पछि

बुद्ध लोप्चन १ बैशाख २०८१, शनिबार

सम्पादकीय : संविधान संशोधनको बाटोमा अगाडि बढौँ

उज्यालो प्रतिनिधि ३ आश्विन २०७८, आईतवार

विशेष सम्पादकीय : राष्ट्रपतिलाई महाअभियोग लगाउन बिलम्ब नगरौँ

बुद्ध लोप्चन २८ असार २०७८, सोमबार

ख्यालख्याल होइन, कोरोना

उज्यालो प्रतिनिधि २५ बैशाख २०७८, शनिबार