शिवु खनाल/देउखुरी । तुलसीपुरको जुत्ता चप्पलको गोदाममा आगलागी हुँदा ५ जनाको मृत्यु भएको छ । मृतकहरु सबैको पहिचान खुलेको छ । चार जना बालबालिका रहेका छन् । मृत्यु हुनेमा तुल्सिपुर उपमहानगर पालिका वडा नम्बर ५ निवासी अन्दाजी १४ वर्षिय साजिदा खातुन, सोही ठाउँ निवासी १५ वर्षिय हसन बकस, १७ वर्षिय मसिन बकस, ४२ वर्षिय नजरदीन अलि, ६ वर्षिय आबिददीन अलि रहेको जिल्ला प्रहरी कार्यालय दाङले जनाएको छ ।

उनीहरुको उद्दार गर्न पुगेका सोही ठाउँ निवासी ३८ वर्षिय अमर डाँगी अचेत अवस्थामा भएको र उनको उपचार भैरहेको प्रहरीले जनाएको छ ।

तुलसीपुर उपमहानगरपालिका वडा नम्बर ५ ९ङ० लाइनस्थित इरम फुटवेयर चप्पल गोदाम रहेको चार तले भवनमा मध्यरातिभएको आलगागीमा परि पाच जनाको मृत्यु भएको हो । अहिले घटनास्थलमा दाङका प्रमुख जिल्ला अधिकारी हिरालाल रेग्मीको नेतृत्वमा जिल्ला सुरक्षा समिति पुगेको छ ।