नेपोलीसंग २–१ ले युभेन्टसको जित

उज्यालो प्रतिनिधि उज्यालो प्रतिनिधि २६ चैत्र २०७७, बिहीबार खेल

एजेन्सी – सुपरस्टार फरवार्ड क्रिस्टियानो रोनाल्डो र पाउलो डिबालाको गोल मद्दतमा युभेन्टसले इटालियन सिरी ‘ए’ मा नेपोलीलाई २–१ ले पराजित गरेको छ ।

एलिएन्ज स्टेडियम टोरिनोमा बुधबार राति भएको खेलमा पाहुना टोलीका लोरेन्जो इन्सिग्नेले अन्तिम समयमा गोल गरेपनि हार टार्न सकेन । खेलको १३औं मिनेटमा क्रिस्टियानो रोनाल्डोले गोल गर्दै युभेन्टसलाई १–० को अग्रता दिलाए । उनले फेडरिको चिइसाको पासमा गोल गरेका थिए । त्यसअघि खेलको दोस्रो मिनेटमा डानिलोले ओभरल्यापमा गएर दिएको क्रस पासमा रोनाल्डोको फ्लिक हेडर पोस्ट नजिकैबाट बाहिरिएको थियो ।

३७औं मिनेटमा डानिलो र जुआन कोर्डाडोको समन्वयमा बनेको मुभमा कोर्डाडो चुक्दा युभेन्टस अग्रता दोब्बर पार्नबाट चुक्यो । ४०औं मिनेटमा लोरेन्जो इन्सिग्नेको प्रहारलाई युभेन्टसका गोलरक्षक जियानलुजी बुफोनले बचाउँदै बराबरी टारे । ४८औं मिनेटमा डि लोरेन्जोको प्रहारमा बुफोन बाधक बन्दा नेपोली बराबरीबाट चुक्यो । ५३औं मिनेटमा अल्भारो मोराटाले काउन्टर अट्याकमा जुआन कोर्डाडोको प्रहार पोस्ट नजिकैबाट बाहिरिदा युभेन्टस अग्रता दोब्बर पार्नबाट चुक्यो ।

५८औं मिनेटमा इन्सिग्नेको प्रहारमा पुन बुफोन नै बाधक बने । ६०औं मिनेटमा फेडरिको चिइसा र मोराटाको वान टु वान मुभमा मोराटाले गोल गर्न सकेनन् । ७१औं मिनेटमा माटियो पोलिटानोले सुवर्ण अवसर खेलर फाल्दा नेपोली बराबरीबाट चुक्यो । त्यसको दुई मिनेट पछि पाउलो डिवालाले गोल गर्दै युभेन्टसलाई २–० ले अघि बढाए । उनले रोड्रिगो बेन्टानकरको पासमा गोल गरेका थिए ।

८८औं मिनेटमा नेपोलीले पेनाल्टीको अवसर पायो । म्याथ्थिज डि लेग्टले पेनाल्टी बक्समा ओसिमहेनलाई लडाएपछि प्राप्त पेनाल्टीमा इन्सिग्नेले गोल गर्दै खेललाई २–१ को अवस्थामा ल्याएपनि त्यसपछि थप गोल निस्कन नसक्दा युभेन्टस विजयी हुन सफल भयो ।

जितसँगै युभेन्टस २९ खेलबाट ५९ अंक जोडेर तेस्रो स्थानमा उक्लिएको छ । युभेन्टस शीर्षस्थानको इन्टर मिलानसँग १२ अंकले तथा दोस्रो स्थानको एसी मिलानसँग १ अंकले पछि छ । पराजित नेपोली ५६ अंक जोडेर पाँचौ स्थानमा रहेको छ ।

 

Facebook Comments Box

सम्पादकीय

सबै

प्रधानमन्त्रीबाट तत्काल राजीनामा देऊ

प्रधानमन्त्री खड्ग प्रसाद ओलीले ५ पुस ०७७ मा संविधानमा नभएको अधिकार प्रयोग गर्दै गरेको संघीय संसदको प्रतिनिधिसभा विघटनलाई सर्वोच्च अदालतले

उज्यालो प्रतिनिधि उज्यालो प्रतिनिधि ११ फाल्गुन २०७७, मंगलवार

संवैधानिक ‘कू’ को सर्वत्र विरोध गरौँ

उज्यालो प्रतिनिधि उज्यालो प्रतिनिधि ५ पुष २०७७, आईतवार

गैरजिम्मेवार सरकार

उज्यालो प्रतिनिधि उज्यालो प्रतिनिधि १७ कार्तिक २०७७, सोमबार

प्रहरी आदेशपालक होइनन्

उज्यालो प्रतिनिधि उज्यालो प्रतिनिधि १४ कार्तिक २०७७, शुक्रबार