बडादशैं लक्षित सवारि चेक जाँच र मुस्कान सहितको सेवालाई तिव्रता दिदै

१६ आश्विन २०७६, बिहीबार १४:०८ मा प्रकाशित
गणेश कुमार ठाकुर

सिरहा । जिल्ला ट्राफिक प्रहरी कर्यालय शम्भुनाथ सप्तरीले चाडपर्व लक्षित दुर्घटना न्युनीकरणका कार्यक्रमलाई तिव्रता दिएको छ । चाडपर्वको समयमा हतारिएर यात्रा गर्दा र तिव्र गतिमा सवारिसाधन गुडाउँदा हुन सक्ने सम्भावित मानविय तथा भौतिक क्षति हुन नदिन ‘ठाउँको ठाउँ’ सवारि चेक जाँच र ट्राफिक सचेतना सहितको सचेतनालाई एकै साथ सञ्चालन गरेको जिल्ला ट्राफिक प्रहरी कर्यालय शम्भुनाथ सप्तरीका प्रहरी नायब निरिक्षक मनोज कुमार चौधरीले बताए ।

सानो गल्ती र कमजोरीलाई ख्याल नगर्दा ठुलो दुर्घटना ब्योहोरनु पर्ने भएकोले जरिवान काट्नु भन्दा सवारि चालकलाई सचेतना पहिलो प्राथमिकता दिईएको जिल्ला ट्राफिक प्रहरी कर्यालय शम्भुनाथ सप्तरीका प्रहरी नायब निरिक्षक चौधरीले बताए ।
जिल्ला ट्राफिक प्रहरी कर्यालय शम्भुनाथ सप्तरीले सवारि साधन,चालक,यात्रुलाई मध्यनजर गर्दै ठाउँको ठाउँ ट्राफिक सचेतनाको साथै मुस्कान सहितको सेवा दिदै आएको छ ।
चेकजाँचमा कडाई
विजया दशमी,दिपावली तथा छर्ठ पर्वलाई मध्य नर्ज गर्दै सवारी साधन दुर्घटना भएर मानिसको ज्यान जाने क्रम बढेपछि ट्राफिक प्रहरीले सबारी साधन चेकजाँचमा कडाई गरेका छन् । ट्राफिक प्रहरीले दुर्घटना न्यूनीकरण गर्न सवारी चालकको लापर्वाही, मादक पदार्थ सेवन गरी सबारी साधन चलाउने, अत्याधिक यात्रु बोक्ने जस्ता कार्य घटाउन सक्रियता बढाएको हो । जिल्ला ट्राफिक प्रहरी कर्यालय शम्भुनाथ सप्तरीले मातहतका स्थानमा सवारी साधनको चेकजाँचमा कडाई गरेका छन् । खासगरी पुर्बपश्चिम लोकमार्गमा लामो तथा छोटो दुरीका सवारी साधन गुड्ने र दुर्घटना हुने क्रम पनि बढेकाले चेकजाँचमा कडाई गरिएकोे जिल्ला ट्राफिक प्रहरी कर्यालय शम्भुनाथ सप्तरीका प्रहरी नायब निरिक्षक चौधरीले बताए । नियम विपरीत सवारी साधन चलाएको पाइएपछि ऐन अनुसार कार्वाही गरिरहेको जिल्ला ट्राफिक प्रहरी कर्यालय शम्भुनाथ सप्तरीका प्रहरी नायब निरिक्षक मनोज कुमार चौधरीले बताए ।


सामाजिक संजालवाट साभार